कोरोनाको खोप कमिसनको खेलमा रोकिएको विषयले लज्जित बनायो : नेता कोइराला



काठमाडौं । नेपाली कांग्रेसका नेता डा.शेखर कोइरालाले कमिसनको खेलमा कोरोना भाइरसविरुद्धको खोप आयात रोकिएको सुन्दा लज्जा लागेको बताएका छन् ।

सामाजिक सञ्जालमा फेसबुकमा स्टाटस लेख्दै नेता कोइरालाले कमिसन नमिलेकै कारण प्रधानमन्त्री केपी ओली निकट व्यवसायीहरु बिजय दुगड र ऋतु वैद्यले कोरोना भ्याक्सिन रोकेको भन्ने खबरले लज्जित बनाएको बताएका छन् ।

‘ महामारीको कहालिलाग्दो समयमा जनतामाथि यति ठूलो धोका,’ भन्दै प्रश्न गरेका कोइरालाले भनेका छन्, ‘पहिलो चरणको महामारीका समयमा ठूलो आर्थिक चलखेल गरी प्रधानमन्त्री निकट ओम्नी समुहलाई स्वास्थ्य सामग्री खरिदको जिम्मा दिइएको थियो ।

देश र जनता कोरोना संक्रमणको महामारीमा रहेको समयमा स्वयं प्रधानमन्त्रीकै छत्रछायाँमा रहेका व्यवसायीहरुले जनस्वास्थ्यमा गरेको यति ठूलो अपराध र बेइमानी कदापि क्षम्य हुन सक्दैन। यसको सबै जिम्मेवारी प्रधानमन्त्रीले लिनुपर्छ र समय आएपछि जनताले यसको हिसाब गर्नेछन् ।’

प्रतिक्रिया दिनुहोस्