युवा नेता वस्नेतद्धारा देशकै ठूलो तरकारी बजारको अवलोकन



काठमाडौं । युवा नेता एवं संघीय सांसद महेश वस्नेतले भक्तपुर सूर्यविनायकस्थित देशकै ठूलो तरकारी बजारको अवलोकन भ्रमण गरेका छन् । भक्तपुरको सूर्यविनायक नगरपालिका वडा नं ८ सिपाडेलमा रहेको अहिलेसम्मकै नेपालकै सवैभन्दा ठूलो सूर्यविनायक हरित कृषि थोक बजारको अवलोकन गरेका हुन् ।

अवलोकनपछि नेता वस्नेतले आफनो क्षेत्रमा देशकै ठूलो तरकारी बजार सञ्चालनमा आएको भन्दै खुशी साटे । भक्तपुरमा विकासको लहर छाउने आफनो योजना विस्तार सफल हुँंदै गएको भनी उनले प्रशन्नता प्रकट गरे । उनले सञ्चालकहरुप्रति पनि आभार प्रकट गरे ।

२०७५ सालको फागुनदेखि निर्माणको तयारी सुरु गरिएको तरकारी बजार निर्माण सुरु भएको दुई वर्षपछि सञ्चालनमा ल्याइएको हो । अरनिको राजमार्ग अन्र्तगत आदर्श वस विसौनीबाट दक्षिणको ३५ रोपनीको क्षेत्रको यो बजार रहेको छ ।

कृषि बजार आधृनिक रुपमा बनाइएको छ । त्यसको लागि भित्र प्रवेश गर्ने प्रवेशद्धार र बाहिर निस्कनका लागि छुटाछुटै दुई वटा प्रवेशद्धारको व्यवस्था गरिएको छ । एउटा प्रवेशद्धार अरनिको राजमार्ग जाडिएको छ भने अर्को सिपाडोल जाने मेन रोडसँंग जोडिएको छ ।

कृषि बजारमा तरकारी राख्न ल्याउने गाडीहरुको जाम नहोस् भनेर एकतर्फी बाटो कायम गरिएको जनाएको छ । साथै त्यहाँं पार्किगको पनि व्यवस्था छ । कृषि बजारभित्रसम्म तरकारी पुयाउन मोटर पुग्ने गरी व्यवस्था मिलाइएको छ ।

सूर्यविनायक हरित कृषि थोक बजारका अध्यक्ष राकेश प्रसाईले ३२ करोडको लगानीमा नेपालमै अहिलेसम्मको सवैभन्दा ठूलो व्यवस्थित कृषि बजार सञ्चालनमा ल्याएको जानकारी गराए । अहिले अनौपचारिक रुपमा सुरु गरी अर्काे बर्षको बैशाखमा कृषि मन्त्रीज्यूबाट उदघाटन गराई औपचारिक रुपमा बजारको सुरुवात गर्ने योजना राखेको उनले जनाए ।

अहिलेका लागि तरकारी बजार सञ्चालनमा ल्याएको हो । बजारमा माछामासु तर फलफुब बजार बनाउन बाँकी रहेको जनाइएको छ । बजारलाई अहिलेसम्मकै सवैभन्दा व्यवस्थित बजारको रुपमा अगाडि बढाउने योजना रहेको जनाइएको छ ।

बजारभित्र साढे सात सय स्टलहरु रहेको छन । बजार प्रत्येक दिन विहान दुई बजेदेखि बेलुकी आठ बजेमा खुल्ला रहने जनाइएको छ । बजारको मुख्य उद्देश्य होलसेलको रुपमा स्थापना गर्ने भएता पनि स्थानीयको लागि खुद्रा विक्री पनि गर्ने जनाइएको छ ।

प्रतिक्रिया दिनुहोस्