ससुराको हत्या गरेको अभियोगमा बुहारी पक्राउ



गुल्मी । गुल्मीमा ८७ वर्षिय ससुराको बुहारीबाट हत्या भएको छ । ससुराको हत्या गरेको आरोपमा पक्राउ परेकी बुहारीलाई आज गुल्मी प्रहरीले सार्वजानिक गरेको छ ।

रुरु क्षेत्र गाउँपालिका ३ थानपतिकी ४२ बर्षीया मनकला ज्ञवालीले ८७ बर्षीय ससुरा नन्दलाल ज्ञवालीको हत्या गरेको प्रहरीले जनाएको छ ।

जिल्ला प्रहरी कार्यालय गुल्मीले पत्रकार सम्मेलन गरेर हत्याको अभियोगमा पक्राउ परेकी मनकलालाई सार्वजनिक गरेको छ। प्रहरीको प्रारम्भिक अनुसन्धानबाट ज्ञवालीले मादक पदार्थ सेवन गरेर ससुरालाई भित्तोमा ठोक्काएर हत्या गरेको खुल्न आएको छ ।

पत्रकार सम्मेलनमा बोल्दै गुल्मी प्रहरी प्रमुख एसपी प्रविणलाल श्रेष्ठले फागुन ८ गते राति ससुराको हत्या गरेको र आईतवार पक्राउ गरिएको जानकारी दिए। उनले घटनाको थप अनुसन्धान भईरहेको बताए ।

प्रतिक्रिया दिनुहोस्